Orðið “ballet” tengist sérstakri tækni, sem hefur þróast undanfarin 350 ár. Á balletsýningu muntu sjá dans, sem er settur upp í leikrænu formi. Hreyfing, tónlist og uppsetningin vinnur öll saman til að skapa sýningu fyrir aðdáendur danssins. Dansararnir þurfa ekki orð til að tjá sig fyrir áhorfendur. Margvíslegir danshópar sýna ýmis konar dansverk eftir ólíka höfunda hverju sinni. Sum verkana hafa verið endurtekin í allt að 150 ár af dansflokkum víðsvegar um heiminn. Önnur dansverk eru frumsamin og þá jafnvel fyrir einhvern valinn hóp dansara eða danshópa.
Fólk horfir á ballet af margvíslegum ástæðum. Það er spennandi að fara í leikhús og sjá lifandi danssýningu. Að horfa á balletsýningu er leið að slaka á frá daglegu amstri og láta sig líða inn í draumaheima dansins. Þetta er tegund af skemmtun sem hefur bein áhrif á tilfinningar fólks í gegnum dansinn, tónlistina og listina sem slíka. Að horfa á ballet er tækifæri til að dást að og njóta stórkostlegrar hæfni mannslíkamans, þar sem dansarinn sýnir okkur líkamlegu þjálfun sína og getu, ásamt leikrænni tjáningu.
Námsmat:
Umsögn kennara í lok annar. Próf í lok annar fyrir framhaldsbraut.
Helstu námsgreinar eru:
• Klassískur ballet
• Nútímalistdans (Limon, Graham, Cunningham, Contact)
• Spuni
• Listdanssaga
• Danssmíðar
• Þjóðdansar (“character” dans frá ólíkum löndum og íslenskir þjóðdansar)
• Táskór/repertoire (kennd eru eldri dansverk og önnur nútímalegri dansverk)
• Tvídans (Pas de deux)
• Leikræn tjáning
• Líkamsfræði
• “Zena Rommett “ floor-barre
Kennsla í klassískum ballet felur í sér munnlega og myndrænar lýsingar á hreyfingum, ásamt sýnikennslu kennara í hverju tilviki. Klassískur ballet er megin undirstaða í listdansnámi. Í balletnámi eru ákveðnar reglur um útfærslu hreyfinga og fagurfræði listgreinarinnar er fastmótuð. Í lýsingum á námi í klassískum ballet er aðallega miðað við niðurröðun spora og æfinga.
Nútímalistdans opnar nemandanum nýja vídd í ólíka dansstíla, sem gefur nemandanum aukinn tilfinningalegan og líkamlegan þroska. Farið er nákvæmlega eftir dansstílum og tækni hvers og eins af þekktustu frumkvöðlum á sviði nútímalistdans, svo sem Limon, Graham, Cunningham, og Contact.
Í spuna læra nemendur að virkja sköpunarhæfileika sína; það er engin rétt eða röng leið. Grunnhugmyndin er að eiga samskipti í gegnum hreyfingar, en þó þannig að um sé að ræða öguð og skipulögð vinnubrögð. Í spuna eiga nemendur að fá tækifæri til að rannsaka, prófa, skilja og stjórna hreyfingum.
Táskótækni er séreinkenni klassísks ballets og er eingöngu fyrir kvenndansara (þó kemur fyrir að einstakir karldansarar reyni þá list líka). Æfingar stigþyngjast á kerfisbundinn hátt eftir getu nemenda. Nemendur sem sýna rétta líkamsstöðu og eru komnir með fullnægjandi líkamsstyrk fara á táskó.
Í þjóðdönsum (character dance) læra nemendur íslenska arflegð í dansi og um dansmenningu annarra þjóða. Í þjóðdönsum er krafist nákvæmrar útfærslu dansa, sem dregur fram eiginleika tjáningar hjá nemendum.
Dansverk (repertoire) er hluti af námi í klassískum ballet. Nemendur læra dansa úr þekktum dansverkum, jafnt í klassískum listdansi og þjóðdönsum. Listdanssögu er fléttað inn í kennslu í dansverkum.
Í tvídansi er kennt samspil dansara og margvísleg tækni er varðar snúninga, lyftur og stökk. Hárnákvæm tímasetning og næmt samspil eru lykilatriði Pas de deux (tvídans) í klassískum ballet þá er kvenndansarinn á táskóm studdur af karldansara.
Leikræn tjáning er mikilvæg í danslistinni. Hvert dansverk felur í sér ólíkar tilfinningar sem eru tjáðar bæði í danssporum og látbragðsleik.
“Zena Rommett” floor-barre felur í sér sérhæfðar gólfæfingar til styrkingar og teygju líkamans með það að markmiði að ná réttri líkamsstöðu, styrk og teygjanleika nemenda.
Tvídans, líkamsfræði, þjóðdansar og leikræn tjáning verða kennd í formi styttri námskeiða “workshop”.
Engin skilyrði eru fyrir innritun nemenda í forskólanám til átta ára aldurs. Í kennslunni er lagður grunnur að líkamsstöðu og samhæfingu hreyfinga við tónlist.
Innritun í grunnskólanám í klassískum listdansi.
Til að innritast í grunnskólanám í klassískum listdansi þurfa nemendur að gangast undir inntökupróf. Í prófinu er aðallega metin hreyfifærni, tóneyra, samhæfingu og samstarfsvilja nemandans
Innritun í framhaldsbraut í klassískum listdansi.
Til að innritast í nám á framhaldsbraut í klassískum listdansi þurfa nemendur að gangast undir inntökupróf. Í prófinu er aðallega metin hreyfifærni-, tóneyra- samhæfing- og samstarfsvilji nemandans.
Innritun í framhaldsbraut í nútímalistdansi.
Til að innritast í nám á nútímalistdansbraut þurfa nemendur að gangast undir inntökupróf. Í prófinu er aðallega metin hreyfifærni-, tóneyra- samhæfing- og samstarfsvilji nemandans.
Inntökupróf verður haldið í mánudaginn 18. ágúst 2025. Nemendum verður tilkynnt niðurstaða prófsins degi síðar.
Námið er skipulagt í samræmi við námskrá mennta- og barnamálaráðuneytis í listdansi. Fyrir grunnnám sjá vefslóðina: https://www.stjornarradid.is/media/menntamalaraduneyti-media/media/ritogskyrslur/listdans_grsk_2006.pdf og fyrir framhaldsnám: https://www.stjornarradid.is/media/menntamalaraduneyti-media/media/ritogskyrslur/listdans_frhsk_2006.pdf
Kennslu árið hjá Klassíska listdansskólanum skiptist í haust- og vorönn. Þriggja ára námi í klassískum listdansi og nútímalistdansi gefur 91 einingar og nútímalistdansara einingar að loknu námi hjá Klassíska listdansskólanum. Námsbrautir samsvara Fimmtíu og ein (51) eining á kjörsviði á listnámsbraut, metnar í framhaldsdeild menntaskólanna.
Kennslan fyrir framhaldsdeild hefst 25. ágúst 2025 og lýkur 15 vikum síðar. Sjö fyrstu vikurnar verður farið eftir stundaskrá. Í áttundu vikunni verður hópvinna (“workshop”) og nemendur fá umsögn. Síðan verður ötullega unnið að prófverkefnunum. Síðasta vikan endar með haustprófum. Önnin lýkur með jólasýningu.
Grunnskóla nemendur byrja 1. september. Önnin stendur í 15 vikur. Umsögn er gefin að lokinni önn sem lýkur með jólasýningu.
Vorönn
Kennslan hefst fyrir bæði framhaldsskólanemendur og grunnskólanemendur fyrsta mánudag í janúar og lýkur fimmtán vikum síðar. Síðasta vikan endar með vorprófum. Skólin heldur veglega balletsýningu á vori hverju í Borgarleikhúsinu. Allir nemendur sem hafa stundað námið ötullega taka þátt í nemendasýningunni. Nemendasýningin er um tveggja tíma dagskrá. Sýningin er samansett af klassísku balletverki, nútímaverki ( Martha Graham eða Cunningham). Einning er sér útskriftar sýning 10 dögum eftir vorsýningu skólans sem einnig sýnir sjálfstæð verkefni nútíma- listdansnemenda.
Skólinn hefur yfir að ráða 600 fermetra kennsluaðstöðu að Grensásvegi 14 í Reykjavík. Þetta glæsilega dansstúdíó var tekið í notkun í janúar 2006. Í húsnæðinu eru þrír æfingasalir með speglum á veggjum, balletstöngum og góðum hljómflutningstækjum. Einn þeirra er tæplega 300 fermetrar að stærð með góðri aðstöðu fyrir minni danssýningar og aðra listræna viðburði eða fyrirlestra. Búningsherbergi eru þrjú og eru tveir sturtuklefar og salernisaðstaða í hverju þeirra. Í andyri er mótaka, setustofa fyrir nemendur og foreldra.
Nemendum ber að mæta stundvíslega í allar kennslustundir. Hver árgangur klæðist viðeigandi dansfatnaði. Hver árgangur hefur sinn lit. Einnig eiga stúlkurnar að klæðast bleikum balletsokkabuxum og bleikum mjúkum balletskóm. Drengirnir klæðast svörtum sokkabuxum, hvítum bolum og svörtum balletskóm. Hárið skal vera vel greitt. Öll umgengi skal vera hljóðlát og bera vott um gagnkvæma virðingu og tillitssemi við kennara, aðra nemendur og húsnæði skólans. Öll notkun síma og tyggigúmmís er bönnuð í kennslustund.