Klassíski listdansskólinn
Grensásveg 14
110 Reykjavík
Álfabakka 14
109 Reykjavík
Sími: 587 9030
Kt. 531093-2679
info@ballet.is
www.ballet.is
Klassíski listdansskólinn hóf starfsemi í janúar 1994. Skólinn hefur starfað að Álfabakka 14a frá 16. janúar að Álfabakka 14A (Mjódd) síðan þá og vaxið jafnt og þétt. Á löngum ferli skólans hefur nemendum fjölgað og krafan um stærri og betri aðstöðu aukist samhliða. Skólinn er nú einnig til húsa í 600 fermetra húsnæði að Grensásvegi 14 108 Reykjavík, en þar er glæsilegt dansstúdíó sem var tekið í notkun janúar 2006. Í húsnæðinu eru þrír æfingasalir, þar af einn tæplega 300 fermetrar að stærð með góðri aðstöðu fyrir minni danssýningar og aðra listræna viðburði.
Til marks um þann árangur sem nemendur skólans hafa náð hefur fjöldi nemanda sótt um og komist í framhaldsnám erlendis. Þar má nefna LABAN og The National Ballet í Englandi, Académie Américaine de Danse de Paris, Graham Ballet School í N.Y.City og Arnheim í Hollandi.
Einn nemandi lauk MA gráðu í listdansi í Amsterdam og annar nemandi lauk MA gráðu í nútímalistnámi í Kanada. Nokkrir nemendur hafa útskrifast með BA gráðu frá Laban og MA í Strassburg. Einnig eru nemendur sem hafa sóttt og klárað Listaháskóla Íslands. Dansað með Íslenska dansflokknum og tekið þátt í sýningum bæði í Þjóðleikhúsinu og Borgarleikhúsinu
Laban veitti nemanda sem var í Klassíska listdansskólanum, styrk til frekari náms í Graham skólanum í New York þar sem árángur nemandans var framúrskarandi. Sami nemandi fékk ekki aðeins styrk frá Laban heldur og öðrum Evrópuþjóðum vegna framúrskarandi árangurs sem danshöfundur, hún hefur verið með danssýningar í Austurríki, Svíþjóð og víða í Evrópu. Einnig hefur hún verið með dans- og leikhúsverkefni sem hún flutti í Swiss og Mexíkó og mun hún halda áfram og fara víða um heim.
Dance-circus-listamaður er einnig í þeim hópi sem hlaut grunnnám sitt hjá Klassíska listdansskólanum og hefur náð miklum árangri. Dansverk voru sýnd nýlega í Pompidou listasafninu í París og Barbican Centre í London af listamönnum frá Klassíska listdansskólanum. Þá hefur nemandi unnið annað sæti í tvídansi með Yannier Oviedo í Riga. Einning má nefna nemanda sem varð framkvæmdarstjóri og ballettmeistari í Íslenska dansflokknum um skeið og fleira mætti telja.
Jákvæð hvatning og uppbygging nemenda í minni námshópum er stór þáttur í starfi skólans en markmið þess er að hjálpa nemendum að öðlast góðan grunn sem fleytir þeim áfram til frekara náms á sviði danslista.
Að loknu námi frá Klassíska listdansskólanum eiga nemendur að hafa sterkan grunn sem getur mótað upphaf að starfsferli á sviði sviðslista t.d. klassíkur listdansari, nútíma listdansari, danshöfundur, danskennari, dansgagnrýnandi, dansfræðingur, dansvísindamaður, dansmeðferðarfulltrúi, danshreystiþjálfari eða dansverkefnastjóri og svo mætti lengi telja.
Hlutverk skólans er að veita þeim nemendum sem þess óska, alhliða þroska, menntun, efla virka þátttöku og þjálfun í listdansi með því að bjóða hverjum nemanda nám við hæfi á grunn- eða framhaldsskólastigi. Hlutverk skólans er einnig að mennta og búa nemendur undir þátttöku í atvinnulífinu og frekara nám á sviði listar í háskólum. Skólinn einsetur sér einnig að styðja við námshvöt nemenda sinna, efla námsgleði og vinnuanda og stuðla þannig að menntun þeirra.
Klassíski listdansskólinn er viðurkenndur af Mennta- og menningarmálaráðuneyti og starfar eftir námskrá ráðuneytisins, sem gefur nemendum á framhaldsbraut tækifæri til þess að fá námið metið sem hluta af námi þeirra í framhaldsskólum. Markmið skólans hefur frá upphafi verið að veita nemendum sínum listdanskennslu í hæsta gæðaflokki í einkareknum skóla þar sem fagmennska kennara byggir á sérfræðilegri starfsmenntun, þekkingu og reynslu. Kennarar veita nemendum sem þess óska einstaklingsbundna ráðgjöf varðandi áframhaldandi nám og námsval að námi loknu. Skólinn leggur áherslu á menntun nemenda og vellíðan með áherslum sem endurspeglast í slagorði skólans:
Hvatning – Metnaður – Árangur
Skólastjórn skipa fimm menn.
Stjórnarformaður
hann ber ábyrgð á daglegum rekstri skólans.
Þrír tilnefndir af listrænum stjórnanda skólans,
einn tilnefndur af starfandi kennurum skólans og einn fulltrúi nemanda.
Fulltrúi nemenda í skólastjórn er tengiliður nemenda við yfirstjórn skólans.
Stofnandi skólans og listrænn stjórnandi er Guðbjörg Astrid Skúladóttir. Hún nam listdans í Reykjavík, Osló og London og dansaði sem atvinnudansari við óperuna í Gautaborg og við hinn þekkta ballettflokk í Frankfurt am Main.
Það er mikilvægt fyrir fámenna þjóð eins og Íslendinga að sem flestir og einkum kennarar í listgreinum fái tækifæri til að fylgjast með öðrum þjóðum, fá þar innblástur frá listamönnum og stjórnendum. Slíkur innblástur eykur gæði og skilning á klassískum ballet hér á landi, einkum þar sem lítil klassísk dansfyrirmynd er til staðar.
Árið 2011 fagnaði Guðbjörg Astrid hálfar aldar afmæli sem klassískur listdansari. Á sínum langa kennsluferli hefur hún farið á fjölbreytt námskeið út um allan heim til að víkka sjóndeildarhringinn í klassískum listdansi. Námskeiðin hafa verið m.a. í Toronto Canada´s National ballet School, víða í Bandaríkjunum t.d. San Francisco ballet school, Seattle PNB Pacific Northwest Ballet, Central Pennsylvania Youth ballet. Guðbjörg Astrid hefur einnig farið til Svíþjóðar, Bretlands og Ástralíu til þess að fylgjast með og læra af frábærum listamönnum í háum gæðaflokki í klassískum ballet. Einnig verið virkur þátttakandi IADAMS (International Association for Dance Medicine & Science).
Á ári hverju ræður stjórnaformaður gestakennara til að auka fjölbreytni og dýpka þekkingu nemanda á listdansi bæði í klassískum og nútíma dansi. Allar kennslustundir eru kenndar af danslistamönnum, margir þeirra vinna á alþjóðavettvangi. Allir starfsmenn skólans eiga það sameiginlegt að hafa góða menntun og mikla kunnáttu á bak við sig. Fagmennska kennara byggist á sérfræðilegri starfsmenntun, þekkingu, viðhorfum og siðferði starfsins. Fagmennska kennara snýst um nemendur, menntun þeirra og velferð, og að miðla þekkingu. Starfsfólk skólans leitast við að skapa góðan skólabrag, réttlátar vinnureglur og hvetjandi vinnuumhverfi.
Kennsla í listdansi beinist annars vegar að því að efla líkamlega færni nemenda og hins vegar að stuðla að uppeldi skapandi og sjálfstæðra listamanna. Námið á að styrkja og efla líkamlega og andlega nemendur og hvetja þá til stöðugra framfara. Lögð er áhersla á samfeldum og eðlilegum stíganda námsins.
Til að efla gæði námsins og ná sem bestum árangri er mikilvægt að námskráin feli í sér nægilegan sveigjanleika til að sérkenni einstakra skóla og fagmennska kennara fái sem best notið sín. Þetta á bæði við um þau danskerfi sem lögð eru til grundvallar sem og útfærslu einstakra áfanga.
Samkvæmt Aðalnámskrá framhaldsskóla kjörsvið á listdansbraut gefin út afmenntamálaráðuneytinu árið 2006 er gengið út frá Vaganovakerfi í klassískum ballet. Kenna má eftir öðrum danskerfum, svo framalega sem markmiðum námsins sé haldið til haga.
Kennslustund hjá Klassíska listdansskólanum er einn og hálfur klukkutími. Námið er að mestu leyti verklegt, fyrir utan bóklega hluta í vissum áföngum. Hver danskennslustund byrjar á upphitun til þess að varna meiðslum og liðka líkamann fyrir álagið. Í grunnæfingum í ballet eða svokölluðum stangaræfingum hefur nemandi stuðning af þar til gerðri stöng. Grunnæfingar má einnig gera án stuðnings, úti á miðju gólfi. Allt er þetta mjög formfastar æfingar með ólíkum tilbrigðum. Einnig eru ólíkum hreyfingum bætt inn í þjálfunina eftir þörfum, sem hjálpa nemendum til að þróa hreyfingarnar og ná tæknilegum atriðum sem eru mikilvægar í listdansi. Grunnæfingarnar eru í eðli sínu mjög tæknilegar og að sama skapi uppbyggilegar fyrir nemendurna. Í kjölfar grunnæfinga er haldið áfram með mun flóknari hreyfingar.
Síðan er unnið að flóknum samsetningum, sem eru með ólíkar áherslur sem miðast við getu og styrk nemanda. Nánar er farið út í viðfangsefni framhaldsbrautar í seinni hluta. Námsbrautarlýsing.
Námið er skipulagt og byggt upp með hliðsjón af Aðalnámskrá framhaldsskóla og Námskrá í listdansi fyrir grunnnám og listnámsbraut framhaldsskólanna.
Kennsluárið hjá Klassíska listdansskólanum skiptist í haustönn og vorönn. Námsframboð skiptist í undirbúningsdeild fyrir framhaldsbraut 12 ára til 15 ára. Framhaldsbraut er eingöngu klassísk listdansbraut sem er þriggja ára heilstætt nám. Klassískur listdans og nútíma listdansi er kennt. Nánari upplýsingar eru hjá Menntaskóla við Hamrahlíð klassísk listdansbraut. Klassíski listdansskólinn gefur metnar einingar á kjörsviði á listnámsbraut framhaldsdeildar tiltekinna menntaskóla. Mikið er lagt upp úr því að kennslan sé persónuleg og að kennarinn geti sinnt hverjum nemanda af kostgæfni. Þess vegna er fjöldi nemenda í hverjum hópi takmarkaður.
Haustönn
Kennslan hefst að jafnaði í lok ágúst og varir í 15 vikur. Á framhaldsbraut er unnið ötullega í 15 vikur til að auka tækni nemenda og undirbúning prófverkefna. Í lok sextándu viku þreyta nemendur í framhaldsbraut haustpróf. Grunnskólastig lýkur með stöðumati og umsögn.
Jólasýningar skólans eru haldnar síðustu helgina í nóvember.
Vorönn
Kennslan hefst í byrjun janúar og lýkur fimmtán vikum síðar. Síðasta vikan endar með vorprófum. Skólin heldur veglega ballettsýningu á hverju vori í Borgarleikhúsinu. Allir nemendur sem hafa stundað námið ötullega taka þátt í nemendasýningu skólans. Nemendasýningin er um tveggja tíma dagskrá. Sýningin er samansett af klassískumballettverkum, nútímaverkum (Graham eða Cunningham) og barnadansverkum. Útskriftarsýning fer fram eftir vorpróf framhaldsdeildar, þar sem nemendur sýna útskriftarverk og sjálfstæð verkefni.
Skólinn eru staðsettur á tveimur stöðum í Reykjavík, að Grensásvegi 14 108 Reykjavík
og Álfabakka 14a 110 Reykjavík.
Danssalur skólans í Álfabakka 14a á 3. hæð var tekin í notkun 1994 og er með 100 fermetra dansstúdíó með speglum á veggjum, ballettstöngum, góðum hljómflutningstækjum, búningsherbergi, sturtuklefum og þægilegri biðaðstöðu fyrir forráðamenn óski þeir þess að bíða eftir börnum sínum á meðan á kennslu stendur.
Kennsluaðstaðan að Grensásvegi 14 sem tekin var í notkun í janúar 2006 er 600 fermetrar þar eru þrír æfingasalir með speglum á veggjum, ballettstöngum og góðum hljómflutningstækjum. Einn salurinn er tæplega 300 fermetrar að stærð með góðri aðstöðu fyrir minni danssýningar og aðra listræna viðburði eða fyrirlestra. Skólinn hefur fjárfest í sýningartjöldum og skemmtilegum vængjum til að fá betri ljósgæði og leikhúsbrag á salinn. Búningsherbergin eru þrjú og eru tveir sturtuklefar og salernisaðstaða í hverju þeirra. Í anddyri er setukrókur fyrir nemendur, móttaka og salernisaðstaða, eldhús og búningageymsla